Bahaar Aai Kisi Ka Samna Karne Ka Waqt Aaya

bahar aai kisi ka samna karne ka vaqt aaya

sambhal ai dil ki iz.har-e-vafa karne ka vaqt aaya

unhen amada-e-mehr-o-vafa karne ka vaqt aaya

badi muddat men arz-e-muddaa karne ka vaqt aaya

ravan hain apne markaz ki taraf asuda ummiden

hujum-e-yas ko dil se juda karne ka vaqt aaya

phir ik gum-karda-rah-e-zindagi ko mil gai manzil

sujud-e-shukr-e-be-payan ada karne ka vaqt aaya

kabhi duuri thi lekin ab ḳhayal-e-ḳhauf-e-duri hai

fughan ki saaten guzrin dua karne ka vaqt aaya

kahan tak ḳhatm rahta darmiyan par dil ka afsana

bil-aḳhir darmiyan se ibtida karne ka vaqt aaya

har ik jurm-e-mohabbat us nigah-e-lutf ke sadqe

naved-e-afiyat le kar ḳhata karne ka vaqt aaya

nigah o dil se ab tafsir-o-sharh-e-azru hogi

zaban o lab se tark-e-iltija karne ka vaqt aaya

vo aate hain ‘shakil’ ab apne dil se haath dho baitho

nigah-e-naz ki qimat ada karne ka vaqt aaya

Leave a Comment