Poet
baḌi tamanna hai ja.un su-e-sitam kisi din
mizaj puchhe to koi ahl-e-karam kisi din
vo bhiga chehra sabhon se haT kar saval puchhe
hamari ankhon ki aag hogi na kam kisi din
hamare maslak ka aadmi kya kahega ham ko
jo Dhal ga.e maslahat ke sanche men ham kisi din
hamare mabain bad-gumani ki iinT kaisi
mile jo mauqa to puchhen tujh se sanam kisi din
jo a.ine men tumhare jaage vo aks rakh lo
ye bhiiḌ parchha.iyon ki hogi na kam kisi din
tumhen bhi ham zindagi ki koi salah denge
samajh ga.e dhup-chhanv apni jo ham kisi din
hamare hisse ki raushni tum jaga.e rakhna
ki tirgi ke safar se lauTenge ham kisi din
Leave a Reply