badhti jaati hai meri us ki chaah
sach hai hoti hai dil ko dil se raah
us dahan o kamar ki mat puchho
kaam karti nahin kisi ki nigah
marte hain intizar men us ke
aa bhi jaae kahin vo ya-allah
us ki zulf-e-siyah hai ek bala
is bala se khuda hi deve panah
khinch kar mujh pe ghair ko maari
afrin afrin jazak-allah
hai shab-e-zulf ka tamashai
kyuun na ‘joshish’ ka hove roz siyah
Leave a Reply