badh chala ishq to dil chhod ke duniya uttha
khud-bakhud josh-e-mai-e-nab se shisha uttha
dast-e-nazuk se zar-e-gul ka bhi uthna hai muhal
ye to farmaiye kis vajh se toda uttha
jab pukare lab-e-jan-bakhsh se vo mar gae ham
na-tavanon se na bar-e-dam-e-isa uttha
khaksaron men nahin aise kisi ki tauqir
qadd-e-adam miri taazim ko saaya uttha
yaad us but ki namazon men jo aai mujh ko
tapish-e-shauq se har baar main baitha uttha
Leave a Reply