Samina Saqib
badan ye jis ke liye shaam jaisa saaya hai
vo shaḳhs aaj bhi mere liye paraya hai
faza men aaj parindon ki chahchahahaT hai
ajab sa shor daraḳhton ne bhi machaya hai
guzashta daur ki laila se muḳhtalif huun main
ki main ne ishq kamaya hai ghar basaya hai
ye mera ḳhaki badan le raha hai ukhḌi saans
so main ne bheja hai qasid use bulaya hai
rahega vo to mire ḳhvabon ki hifazat men
charagh-e-aḳhiri jo niind men jalaya hai
Leave a Reply