Abdullah Kamal
bada mukhlis huun paband-e-vafa huun
kisi ki sadgi par ro pada huun
miri qimat zamin-o-asman hai
bahut anmol huun phir bhi bika huun
chhalakta jaam huun phir bhi huun pyasa
main apne aap men ik karbala huun
na jaane guftugu kya gul khilae
tumhari khamushi se jal gaya huun
kitab-e-dil ko dimak lag gai hai
tumhara naam kya hai dhundhta huun
hazaron daagh hain mere badan par
na jaane kis ke dil ka rasta huun
‘kamal’ is qatl-gah-e-raushni men
hazaron baar main bujh kar jala huun
Leave a Reply