Shariq Kaifi
baḌa hai dukh so hasil hai ye asani mujhe
ki himmat hi nahin kuchh yaad karne ki mujhe
chala aata hai chupke se raza.i men miri
buri lagti hai suraj ki ye bebaki mujhe
chhupata phir raha huun ḳhud ko main kis se yahan
agar pahchanne vaala nahin koi mujhe
guzar ja.egi saari zindagi ummid men
na jiine degi ye jiine ki tayyari mujhe
agar kam bolta huun main to kyuun bechain ho
tumhin se to lagi hai chup ki bimari mujhe
achanak kuchh hua hota to koi baat thi
na jaane kyuun hui is darja hairani mujhe
Leave a Reply