baDa Be-Dad-Gar Wo Mah-Jabin Hai

baḌā be-dād-gar vo mah-jabīñ hai

magar itnā nahīñ jitnā hasīñ hai

tabassum-pāshiyāñ aġhyār par haiñ

hamāre vāste chīn-e-jabīñ hai

jahāñ meñ amn ho kyūñ-kar ki har sū

bapā jañg-e-baqā-e-behtarīñ hai

nahīñ kā lafz hai kuchh talḳh varna

tumhārī haañ kā matlab bhī nahīñ hai

tire mehmāñ vo aa.eñ ai ‘vafā’ kyā

are terā Thikāna bhī kahīñ hai

Leave a Comment