poet

Bab-e-Qafas Khulne Ko Khula Hai

bab-e-qafas khulne ko khula hai

bahar bhi to daam bichha hai

us ke siva sab bhuul gaya huun

jab se vo mire dil men basa hai

badhne lagi hai dil ki dhadkan

shayad us ne yaad kiya hai

qafile vaalo khair manao

rahzan hi jab rah-numa hai

sahil sahil bhi kya chalna

maujon pe safina Daal diya hai

apni marzi apni raza kya

sab se badh kar us ki raza hai

aaj ke insan ki mat puchho

jaise khuda se bhi ye bada hai

More Poems

Leave a Comment