siraj-aurangabadi

Baat Kar Dil Sati Hijab Nikal

baat kar dil sati hijab nikal

ghuncha-e-lab sati gulab nikal

shab-e-hijran ki tirgi kar duur

husn-e-taban ka aftab nikal

bait-e-abru ka dars de mujh kuun

fard-e-divan-e-intikhab nikal

bul-havas band-e-uqda-e-gham hai

zulf-e-mushkin siin pech-o-tab nikal

munhasir nahin hai gosha-giri par

dil siin yaksu ho sab hisab nikal

takiya-e-makhmali sirhane rakh

lekin ankhon siin apni khvab nikal

masti-e-ishq gar tujhe hai ‘siraj’

shisha-e-chashm siin sharab nikal

More Poems

Leave a Comment