baat ban jaa.e jo tafsil se baten kar le
tishnagi meri agar jhiil se baten kar le
jahan ke gaanv se tariki nikal sakti hai
dil agar fikr ki qindil se baten kar le
tu ḳharidar mire dil ki zamin ka hai Thahar
pahle dil ruuh ki tahsil se baten kar le
ka.aba-e-dil tujhe mahfuz agar rakhna hai
ja ke ulfat ki ababil se baten kar le
sirf qur.an ke alava hai bhala kis ki majal
jo ki taurat se injil se baten kar le
vo suhulat hamen goggle ne faraham ki hai
pal men insan brazil se baten kar le
aqibat apni banani hai agar ‘faiz’ tujhe
nafs ki uḌti hui chiil se baten kar le
Leave a Reply