baat baḌhti ga.i aage miri nadani se
kitna arzan hua main apni faravani se
ḳhaak hi ḳhaak nazar aa.i mujhe charon taraf
jal ga.e chand sitare miri tabani se
be-tahasha jiye ham log hamen hosh nahin
vaqt aram se guzra ki pareshani se
ab mire gird Thaharti nahin divar koi
bandishen haar ga.iin be-sar-o-samani se
aa.ega aisa bhi ik moḌ safar men ‘rahi’
gard bhi meri na paoge tum asani se
Leave a Reply