badshah-e-vaqt koi aur koi majbur kyuun
bin gaya hai ik zamane ka yahi dastur kyuun
hai baqa ke saath to nam-e-fana bhi lazmi
aap itni be-sabati par hue maghrur kyuun
dhuup men paani men sardi men hava ke saath saath
jaan apni de raha hai aaj bhi mazdur kyuun
ye to duniya hai na badli hai na badlegi kabhi
ghaur karne ke liye phir aap hain majbur kyuun
apni shohrat ke liye us ne to kuchh socha nahin
ho ga.i lekin ‘vasiyya’ ki ghazal mash.hur kyuun
Leave a Reply