badam do jo bheje hain batve men daal kar
iman ye hai ki bhej de ankhen nikal kar
dil siine men kahan hai na tu dekh-bhal kar
ai aah kah de tiir ka naama nikal kar
utrega ek jaam bhi puura na chaak se
khak-e-dil-e-shikasta na sarf-e-kulal kar
le kar buton ne jaan jab iman pe daala haath
dil kya kinare ho gaya sab ko sambhal kar
tasvir un ki hazrat-e-dil khinch liije gar
rakh denge ham bhi paanv pe ankhen nikal kar
qatil hai kis maze se namak-pash-e-zakhm-e-dil
bismil zara tadap ke namak to halal kar
dil ko rafiq ishq men apna samajh na ‘zauq’
tal jaega ye apni bala tujh pe taal kar
Leave a Reply