mire qarib se guzre mujhe sada bhi na de
zaban ko lafz nigahon ko hausla bhi na de
ab us se kaise ta.alluq ki aarzu rakkhen
dua-e-ḳhair to kya vo ki bad-dua bhi na de
ye chandni main gilason men ghol duun na kahin
main chahta huun vo yadon ka aasra bhi na de
hamin pe sajte hain yaaro sharab bhi gham bhi
ḳhuda ke vaste ab koi mashvara bhi na de
miri nigah usi ruḳh ki hai asiir ‘tapish’
jo apne ruḳh se kisi baat ka pata bhi na de
Leave a Reply