Ali Akbar Natiq
bad-e-sahra ko rah-e-shahr pe Daala kis ne
tar-e-vahshat ko gareban se nikala kis ne
muḳhtasar baat thii, phaili kyuun saba ki manind
dard-mandon ka fasana thaa, uchhala kis ne
bastiyon vaale to ḳhud oḌh ke patte, so.e
dil-e-avara tujhe raat sambhala kis ne
aag phulon ki talab men thii, havaon pe ruki
nazr-e-jan kis ki huii, raah se Taala kis ne
kanch ki raah pe ik rasm-e-safar thi mujh se
ba.ad mere buna har gaam pe jaala kis ne
Leave a Reply