ba-zahir raunaqon men bazm-arai men jiite hain
haqiqat hai ki ham tanha hain tanhai men jiite hain
saja kar char-su rangin mahal tere ḳhayalon ke
tiri yadon ki raanai men zebai men jiite hain
ḳhusha ham imtihan-e-dasht-gardi ke natije men
ba-sad-eajaz mashq-e-abla-pai men jiite hain
sitam-garon ne ain-e-vafa mansuḳh kar Daala
magar kuchh log abhi ummid-e-hijrai men jiite hain