poet

Ayan Ho Aap Begana Banaya

ayaan ho aap begana banaya

vajud-e-khak ka shana banaya

tu hai alfaz se mahir ai vaaiz

mujhe be-kaif-o-kam-maana banaya

kiya izhar jab main raz-e-haq ko

to aalam mujh ko rindana banaya

hansi se meri is ne taal di baat

main tha hoshiyar divana banaya

mujhe saaqi ne be-minnat ke di mai

khumar-e-ishq-e-mardana banaya

pukara ishq ne ja DhunDh le yaar

tan-e-khaki ko hai khana banaya

udaya baat men jo khud-parasti

mujhe mul de ke mastana banaya

main jaana aap ko har haal mazhar

ba-zahir banda farzana banaya

ai ‘markaz’ tujh se hai sab shaan zahir

ajab aina shahana banaya

More Poems

Leave a Comment