ismail-merathi

Ghair-E-Tawakkul Nahin Chaara Mujhe

ghair-e-tavakkul nahin chara mujhe

apne hi dam ka hai sahara mujhe

hirs-o-tama ne to Duboya hi tha

sabr-o-qanaat ne ubhara mujhe

jo vo kahe us ko saza-var hai

chun-o-chara ka nahin yaara mujhe

be-adabon ki adab-amoziyan

in ke bigadne ne sanvara mujhe

koshish-e-be-sud mushavvash na kar

qaar na ban jaae kinara mujhe

zishti-e-pindar dilata hai yaad

qissa-e-askandar-o-dara mujhe

nang-e-muzillat se chhuda le gaya

josh-e-hamiyyat ka harara mujhe

auj-e-maali pe uda le gaya

tausan-e-himmat ka tarara mujhe

aah nahin rukhsat-e-ifsha-e-raz

qissa to maalum hai saara mujhe

fursat-e-auqat hai bas mughtanim

ye nahin milne ki dobara mujhe

More Poems

Leave a Comment