Sabir Waseem
asir-e-sham hain Dhalte dikha.i dete hain
ye log niind men chalte dikha.i dete hain
vo ik makan ki us men koi nahin rahta
magar charagh se jalte dikha.i dete hain
ye kaisa rang nazar aaya us ki ankhon men
ki saare rang badalte dikha.i dete hain
vo kaun log hain jo tishnagi ki shiddat se
kanar-e-ab pighalte dikha.i dete hain
andheri raat men bhi shahr ke darichon se
hamen to chand nikalte dikha.i dete hain
Leave a Reply