ashkon se jo naha.en lahu se vuzu karen
qurban-gah-e-farz ki vo guftugu karen
sehn-e-chaman men DhunD chuke husn-e-irtiqa
sahra men ab tajassus-e-josh-e-numu karen
is shahr-e-be-aman men jo sad-chak ho gaya
us daman-e-hayat ko kaise rafu karen
jab husn ki asaas dil-e-be-yaqin pe hai
phir kis liye ham apne jigar ko lahu karen
paimana-e-ḳhulus nahin jis ka dil ‘saba’
us shahid-e-jamal ki kya aarzu karen
Leave a Reply