Abbas Qamar
ashkon ko arzu-e-rihai hai roiye
ankhon ki ab isi men bhalai hai roiye
rona ilaj-e-zulmat-e-duniya nahin to kya
kam-az-kam ehtijaj-e-khudai hai roiye
taslim kar liya hai jo khud ko charagh-e-haq
duniya qadam qadam pe sabai hai roiye
khush hain to phir musafir-e-duniya nahin hain aap
is dasht men bas abla-pai hai roiye
ham hain asir-e-zabt ijazat nahin hamen
ro pa rahe hain aap badhai hai roiye
Leave a Reply