ashk girne ki sada aa.i hai
bas yahi rahat-e-goya.i hai
sat.h par tiir rahe hain din raat
niind ik ḳhvab ki gahra.i hai
in parindon ka palaT kar aana
ik taḳhayyul ki pazira.i hai
aks bhi ghair hai a.ina bhi
ye tahayyur hai ki tanha.i hai
un darichon se ki jo the hi nahin
ik udasi hai ki dar aa.i hai
dil numudar hua hai dil men
aankh ik aankh se bhar aa.i hai
us ki a.ankhon ki ḳhamoshi ‘adil’
Dubte vaqt ki goya.i hai
Leave a Reply