ashk-e-khunin hai shafaq aaj miri ankhon men
sanjh phuli hai tire baaj miri ankhon men
ek din nain jharoke ki taraf siin guzro
mardum-e-chashm hai muhtaj miri ankhon men
baith kar takht-e-murassa pe miri putli ke
hai mubarak jo karo raaj miri ankhon men
baagh men nargis-e-hairan ne tujhe dekh kahi
teri ankhon si kahan laaj miri ankhon men
aaj ki raat ajab raat mubarak hai ‘siraj’
us ki surat kuun hai mearaj miri ankhon men
Leave a Reply