Ahmad Mushtaq
ashk daman men bhare khvab kamar par rakkha
phir qadam ham ne tiri rahguzar par rakkha
ham ne haath se thama shab-e-gham ka anchal
aur ik haath ko daman-e-sahar par rakkha
chalte chalte jo thake paanv to ham baith gae
niind gathri pe dhari khvab shajar par rakkha
jaane kis dam nikal aae tire rukhsar ki dhuup
muddaton dhyan tire saya-e-dar par rakkha
jaate mausam ne palat kar bhi na dekha ‘mushtaq’
rah gaya saghar-e-gul sabza-e-tar par rakkha
Leave a Reply