Asar Aisa Hai Tap-E-Gham Mein Dawa Ka Ulta

asar aisa hai tap-e-gham men dava ka ulta

nabz dekhe to ho bimar masiha ulta

ham-sari ki qad-e-mauzun o rukh-e-raushan se

chor ki tarah diya shama ko latka ulta

subh ko chehra-e-khurshid kiran se nikla

sar se us mah ne jo maqis ka sehra ulta

khafaqan-e-gham-e-furqat se dil aisa ulta

munh ke bahar nikal aaya jo kaleja ulta

hasrat-e-did men akhir ko dam apna ulta

parda-e-chashm na us shokh ne apna ulta

naaz o andaz ne divana banaya dil ko

us pari ne jo dam-e-raqs dupatta ulta

main to karta nahin ai ‘arsh’ gila furqat ka

shikva-e-bakht vo kaj-baz hai karta ulta

Leave a Comment