Jawed Manzar
apni mohabbaton ko saliqa mile koi
is dard-e-la-dava ko masiha mile koi
ham ko ga.i ruton ka navishta mile koi
aisa bhi ehtisab ka lamha mile koi
barson guzar ga.e hain isi intizar men
main bhi sunun jo aap sa lahja mile koi
jhelin bahut hain rah-e-mohabbat men saḳhtiyan
ye soch kar ki ham ko bhi apna mile koi
ik umr mujh ko jagti ankhon ne kya diya
so ja.un aur ḳhvab sa chehra mile koi
pahle samundaron se bhanvar ko nikaliye
phir kashti-e-junun ko kinara mile koi
Leave a Reply