apni hasti miTa.e phirta huun
ranj kya kya uTha.e phirta huun
shab guzarti hai us ki yadon men
saara din laḌkhaḌa.e phirta huun
ab to aadi huun dard sahne ka
ab to bas sar jhuka.e phirta huun
umr lambi ho meri ankhon ki
ḳhvab tere saja.e phirta huun
aḳhiri fard huun qabile ka
dil men yaden basa.e phirta huun
sogvari hai mere kamre men
hijr ke din mana.e phirta huun
ye mujhe kya hua hai jan-e-jan
main ye kya gunguna.e phirta huun
Leave a Reply