vaqt ki piith par
kachche lamhon ke dhagon men lipta hua
shahr ki sidhiyon par sarakta hua
nit nae
khud-kushi ke tariqon ka mujid bana
habshi raton ke jangal men bikhri hui
lams ki haddiyan
chun raha huun na jaane main kis ke liye
jab mire naam ke lafz tanha the logo
tumhen surkh honton ki khairat
kaise mili ye batao
refrigerator men rakkhi hui tashtari men
miri donon ankhen barahna padi thiin
vahan tak kisi khvab ke haath pahunche nahin
kabutar ki ankhon men
tuute hue asmanon ka tanazzul na dekho
badan ke shikasta khandar se nikal bhagne ke liye phir
tumhari madad ki zarurat hai mujh ko
Leave a Reply