Apni Be-Chehragi Bhi Dekha Kar

apni be-chehragi bhi dekha kar

roz ik aaina na toda kar

tu jidhar jaae din nikal aae

raushni ka mizaj paida kar

ye sadi bhi kahin na kho jaae

apni marzi ka koi lamha kar

dhuup men istiara badal ka

tu agar hai to yaar saaya kar

chara-sazi to kar rahe hain gham

tu mire ansuon ka sauda kar

jaane kab chhod kar chali jaae

zindagi ka na yuun bharosa kar

masale hain to hal bhi niklenge

paas aa saath baith charcha kar

Leave a Comment