Sufi

Apne Wahm-O-Guman Se Nikla

apne vahm-o-guman se nikla

main andhere makan se nikla

be-rukhi dekh ab zamane ki

muddaa kyuun zaban se nikla

samt ka gham na tha safine ko

ye alam badban se nikla

dhuup barsa rahi thiin talvaren

phir bhi main saeban se nikla

vaqt mohlat na dega phir tum ko

tiir jis dam kaman se nikla

aa gaya lijiye sahil-e-hasti

main bade imtihan se nikla

zindagi ka naya mizaj ‘niyaz’

dard ke khandan se nikla

More Poems

Leave a Comment