ai shahr-e-be-misal tire bam-o-dar ki khair
ai husn-e-la-zaval tire bam-o-dar ki khair
dekhe hain tu ne duur bahut asman ke
biite hain tujh pe ahd bahut imtihan ke
ai qarya-e-jalal tire bam-o-dar ki khair
ik dastan hai saath tire rang-o-nur ki
yaden hain tere saath bahut duur duur ki
khvab-e-shab-e-jamal tire bam-e-dar ki khair
taskhir tujh ko kaun karega jahan men
tu hai khuda aur us ke nabi ki amaan men
lahore-e-pur-kamal tire bam-o-dar ki khair
Leave a Reply