Apne Ji Mein Jo than Lenge Aap

apne jī meñ jo Thaan leñge aap

yā hamārā bayān leñge aap

justujū qā.ede kī ho varna

dar-ba-dar ḳhaak chhān leñge aap

ahd-e-hāzir ke baad aa.egā

vo zamāna ki jaan leñge aap

yuuñ to ġhussa harām hai lekin

roz jab imtihān leñge aap

aap ko mehrbāñ samajhte haiñ

aur kyā naak kaan leñge aap

saaf kahiye ki chāhte kyā haiñ

kyā ġharīboñ kī jaan leñge aap

ye harīfān-e-kam-nazar ai ‘shād’

mujh ko ik roz maan leñge aap

Leave a Comment