apne ghar ke dar-o-divar ko uncha na karo
itna gahra miri avaz se parda na karo
jo na ik baar bhi chalte hue muḌ ke dekhen
aisi maghrur tamannaon ka pichha na karo
ho agar saath kisi shoḳh ki ḳhushbu-e-badan
raah chalte hue mah-paron ko dekha na karo
kal na ho ye ki makinon ko taras jaa.e ye dil
dil ke aaseb ka har ek se charcha na karo
ishq-asar zuleḳhaon ki is basti men
sahibo paki-e-daman pe bharosa na karo
Leave a Reply