apne dam se guzar auqat nahin karta main
kaise kah duun ki ghalat baat nahin karta main
shaam hote hi mire ghar men sahar hoti hai
raat bhi hoti hai par raat nahin karta main
aaj phir ḳhud se ḳhafa huun to yahi karta huun
aaj phir ḳhud se koi baat nahin karta main
sirf ik baat hi se baat baḌhi hai itni
sochta huun ki mulaqat nahin karta main
kya bura hai jo mujhe log bura kahte hain
kaam karte hain jo hazrat nahin karta main
Leave a Reply