nida-fazli

Insan Hain Haiwan Yahan Bhi Hai Wahan Bhi

insan hain haivan yahan bhi hai vahan bhi

allah nigahban yahan bhi hai vahan bhi

khun-khvar darindon ke faqat naam alag hain

har shahr bayaban yahan bhi hai vahan bhi

hindu bhi sukun se hai musalman bhi sukun se

insan pareshan yahan bhi hai vahan bhi

rahman ki rahmat ho ki bhagvan ki murat

har khel ka maidan yahan bhi hai vahan bhi

uthta hai dil-o-jan se dhuan donon taraf hi

ye ‘mir’ ka divan yahan bhi hai vahan bhi

More Poems

Leave a Comment