Apne Ahd-E-Wafa Ko Bhul Gae

apne ahd-e-vafā ko bhuul ga.e

tum to bilkul ḳhudā ko bhuul ga.e

kuchh na pūchh intihā-e-rañj-e-firāq

dard pā kar davā ko bhuul ga.e

ham ne yād-e-butāñ meñ dam toḌā

marte marte ḳhudā ko bhuul ga.e

un kī bātoñ ko yaad kartā huuñ

jo mirī iltijā ko bhuul ga.e

darmiyānī ta.alluqāt na pūchh

ibtidā intihā ko bhuul ga.e

un se do din bhī chaah nibh na sakī

‘muztar’-e-be-navā ko bhuul ga.e

Leave a Comment