Apna Rafiq-O-Ashna Ghair-E-Khuda Koi Nahin

apna rafiq-o-ashna ghair-e-khuda koi nahin

ranj-o-mehan men gham-zada ghair-e-khuda koi nahin

puchha jo main hakim se illat-e-kun-fakan hai kaun

soch ke us ne ye kaha ghair-e-khuda koi nahin

kaabe ka shab ko main jo ja halqa-e-dar hila diya

aai sada ye ”andar aa ghair-e-khuda koi nahin”

aarif agar ba-chashm-e-ghaur aina-e-jahan ke biich

dekhe to samjhe runuma ghair-e-khuda koi nahin

garche jahan hai ma-siva zaat ke us ki ‘mushafi’

sochiye phir to ma-siva ghair-e-khuda koi nahin