apna kirdar nibhaya hai samundar main ne
ek qatre ko banaya hai samundar main ne
apni lahron se zara kah de ki hushiyar rahen
dil men tufan chhupaya hai samundar main ne
jis ko mad-mast hava.en bhi bujha na paa.en
diip ik aisa jalaya hai samundar main ne
tujh ko parvah nahin va.ade ki to apne na sahi
pyaar ka dil men chhupaya hai samundar main ne
teri duniya ko ujalon se sajane ke liye
dil charaghon sa jalaya hai samundar main ne
azmane ko faqat zarf miri ankhon ka
aa.ina tujh ko banaya hai samundar main ne
Leave a Reply