zehra-nigaah

Apna Har Andaz Aankhon Ko Tar-O-Taza Laga

apna har andaz ankhon ko tar-o-taza laga

kitne din ke baad mujh ko aina achchha laga

saara araish ka saman mez par sota raha

aur chehra jagmagata jagta hansta laga

malgaje kapdon pe us din kis ghazab ki aab thi

saare din ka kaam us din kis qadar halka laga

chaal par phir se numayan tha dil-avezi ka zoam

jis ko vapas aate aate kis qadar arsa laga

main to apne aap ko us din bahut achchhi lagi

vo jo thak kar der se aaya use kaisa laga

More Poems

Leave a Comment