apna duniya se safar Thahra hai
gosha-e-qabr men ghar Thahra hai
hijr men ziist ko kahte hain maut
naf.a ka naam zarar Thahra hai
dil mira us ka taraf-dar hua
jo idhar tha vo udhar Thahra hai
aur andher hua chahta hai
surma manzur-e-nazar Thahra hai
likh hava-o-havas-e-vasl ai dil
qasid-e-bad-e-saba Thahra hai
dekhen donon men hava kis ki bandhe
abr ai dida-e-tar Thahra hai
ghar jo us mah ka bana hai ai ‘mehr’
dil mira mah-e-nigar Thahra hai
Leave a Reply