Sahir Ludhianvi

Apna Dil Pesh Karun Apni Wafa Pesh Karun

apna dil pesh karun apni vafa pesh karun

kuchh samajh men nahin aata tujhe kya pesh karun

tere milne ki khushi men koi naghma chhedun

ya tire dard-e-judai ka gila pesh karun

mere khvabon men bhi tu mere khayalon men bhi tu

kaun si chiiz tujhe tujh se juda pesh karun

jo tire dil ko lubhae vo ada mujh men nahin

kyuun na tujh ko koi teri hi ada pesh karun

Leave a Comment