Waseem Tashif
apna apna samay bata rahe hain
ham ta.alluq kahan nibha rahe hain
vo bhi sab aap ka diya hua tha
ye bhi hai aap ka jo kha rahe hain
so rahe hain kisi ke pahlu men
aur tira ḳhvab gunguna rahe hain
us ke chehre se sub.h uTha.i hai
us ki ankhon se shab chura rahe hain
daad vo de nahin rahe hain magar
mere sheron se haz uTha rahe hain
vo gali se guzar rahi hai ‘vasim’
mujh ko ghar men ḳhayal aa rahe hain
Leave a Reply