andheri khaa.i se goya safar chaTan ka tha
jo fasla mire ghar se tire makan ka tha
bichhaḌ ke tujh se vo aalam miri uḌaan ka tha
ki main zamin ka raha tha na asman ka tha
tamam umr mire dil men jo khaTakta raha
vo tiir tere kisi tanz ki kaman ka tha
yaqin ke Thos dala.el jise na kaaT sake
tiri vafa se vo rishta mire guman ka tha
tum apne azm ke shal bazuon ko mat chumo
manao ḳhair ki ehsan badban ka tha
Leave a Reply