Akhtar Bastavi
mere ehsasat ki gahraiyon men hai nihan
be-tavajjoh qabr ki manind ik andha kuaan
is ki tah men koi qatra ab-e-shirin ka nahin
faiz is se ruh-e-tishna ko kabhi pahuncha nahin
gaahe gaahe gunjti hai is men apni hi sada
jis se ḳhud mujh par hua karta hai taari ḳhauf sa
hauslon ko nim-jan karti hai hai jis bazgasht
dur-tar hota chala jaata hai imkanon ka dasht
Leave a Reply