Poet
mujh par surur chha gaya bada-e-dil-navaz se
duniya miri badal ga.i ek nigah-e-naz se
aankh men gar na aa sake dil to maqam hai tira
ḳhalvat-e-dil men aa kabhi apne harim-e-naz se
saqi-e-mehrban pila bada-e-ma.arifat-asar
mast bana ke de ḳhabar husn-e-azal ke raaz se
dekh nigah-e-shauq se husn-o-jamal ka jahan
jalva hi jalva char-su husn-e-nazar-navaz se
jam-e-farang ka nasha fikr-o-nazar ki marg hai
dil ka bhala na ho saka bada-e-ḳhun-taraz se
mujh ko fareb de gaya tujh ko fareb de gaya
zahr pila gaya farang jam-e-zamana-saz se
qalb-o-jigar bhaḌak uThe bada-e-nau ki aag se
dil ko sakun mila hamen ‘taj’ mai-e-hijaz se
Leave a Reply