sandalin jism ki khushbu se mahakti hui raat
mujh se kahti hai yahin aaj basera kar le
gar tiri niind ujalon ki parastar nahin
apne ehsas pe zulfon ka andhera kar le
main ki din bhar ki chaka-chaund se uktaya hua
kisi ghunche ki tarah dhuup men kumhlaya hua
ik nai chhanv men sustane ko aa baitha huun
gardish-e-dahr ke alam se ghabraya hua
sochta huun ki yahin aaj basera kar luun
subh ke saath kadi dhuup khadi hai sar par
kyuun na is abr ko kuchh aur ghanera kar luun
jaane ye raat akele men kate ya na kate
kyuun na kuchh der shabistan men andhera kar luun
lekin is raat ki ye baat na badh jaae kahin
tujh se mil kar ye mire dil ko laga hai dhadka
raakh ho jaunga main subh se pahle pahle
khul ke siine men jo ehsas ka shoala bhadka
Leave a Reply