ana ko bandhta rahta huun apne sheron men
bala ko bandhta rahta huun apne sheron men
ghutan ke din hon ki jhagde se chalte rahte hon
hava ko bandhta rahta huun apne sheron men
mahakti rahti hai lafzon men koi khushbu si
saba ko bandhta rahta huun apne sheron men
vo haal hai ki khamoshi kalam karti hai
sada ko bandhta rahta huun apne sheron men
vo haath jaise kahin ab bhi dil pe rakkha ho
hina ko bandhta rahta huun apne sheron men
giraft men huun kisi but ki ‘aftab-husain’
khuda ko bandhta rahta huun apne sheron men
Leave a Reply