Poet
allah allah ḳhun-e-ghariban
har taraf ho raha hai charaghan
hashr-bar-dosh mahshar-ba-daman
aane vaala hai phir koi tufan
vaqt har zaḳhm-e-dil ki dava hai
kaun le ahl-e-duniya ka ehsan
zindagi ki haqiqat hi kya hai
zindagi ek ḳhvab-e-pareshan
kaun hai jo kare pursish-e-gham
vo gurezan to duniya gurezan
ik tabassum bhi bas men nahin hai
kitna majbur hai aaj insan
kya bujhegi ḳhizan ke lahu se
tez hai tishnagi-e-baharan
chain dil ko kahin bhi nahin hai
ek hai ashiyan ho ki zindan
log rahon men dam toḌte hain
maut pahle na thi itni arzan
kuchh na bigḌega urdu zaban ka
kyon ‘ḳhalish’ ho rahe ho harasan
Leave a Reply