Aksar Ye Haalat Hoti Hai

aksar ye hālat hotī hai

ek ghaḌī muddat hotī hai

ham kaise zinda haiñ ab tak

ham ko bhī hairat hotī hai

yaar gila karte rahte haiñ

yāroñ kī aadat hotī hai

kaisī rasmeñ kaisī sharteñ

chāhat to chāhat hotī hai

dil auroñ kā ho jaatā hai

dil kī ye fitrat hotī hai

vasl ke lamhoñ ne samjhāyā

duniyā bhī jannat hotī hai

un āñkhoñ ko yaad karo to

dard meñ kuchh barakat hotī hai

Leave a Comment